Carita Sunda: Go… Internasional

Taun 2030, sababaraha ahli ti mimiti ahli ekonomi nepika ahli tatanén, ngumpul ngariung di Gunung Gedé Cetral Park. Geusan ngayakeun salah sahiji seminar akbar taunan nu dihadiran ku para ahli ti Tatar Sunda. Salah saurang panitia acara ngajelaskeun, téma acara taun ieu Nyaéta, ” Go… internasional Yuukk..!”

Hartina, dina seminar ieu, para ahli kudu ngahasilkeun kaputusan penting jeung tarékah, kumaha carana sangkan budaya ti mimiti basa Sunda Nepika kadaharan khas Sunda diaku ku bangsa-bangsa deungeun. ”Alhamdulillah, salah saurang ahli tina widang teknologi geus bisa nyieun laptop jeung Smart-Phone nu sistem operasina téh maké buatan urang Sunda asli nyaeta, BajingNérékél Operating System” ceuk salah saurang pamilon anu milu hadir dina éta gempungan. ” Dina waktu anu samporét, produk-produk urang Sunda kudu geus makalangan di tingkat internasional” Sambungna.

Dina éta acara , hadir Presiden Directur Care-dock Corporation, salah sahiji perusahaan badag nu motékar nyieunan Mobil Terbang merek Ghulu-Dugh Door Daars. Hadirna Radén Somantri Danalaga ieu keur méré sumanget ka para panalungtik anu masih kénéh ngarora sangkan soson-soson dina narékahan kaluarna produk-produk anyar tina widang teknologi informasi.

Sabenerna, ti taun 2013 gé, sanggeus kajadian “Badai Cosmic” anu ngalumpuhkeun hubungan telekomunika i, sababaraha pamikir Sunda geus narékahan supaya bisa ngahasilkeun produk unggulan. Dina tarékah anu soson-soson éta geus nanjeurkeun urang Sunda di Panggung Internasional. Antara taun 2015-2020, urang Sunda geus bisa nyieun motor anu bahan bakarna ku daungdaunan, nyaeta Em-bhe Faster Motorcycle, geus bisa ngéléhkeun Honda, Yamaha, jeung Suzuki.

Tina teknologi gé teu katinggaleun, sababaraha mérék hapé cerdas saperti; Simeutt-Tell, Chonk-coRank Communication, Londoc SP, Jeung Baaz-inc Phone. Éta kabéh bisa ngééhkeun hape-hape anu OSna berbasis Android.

Keur Nambah sumanget para pamilon anu hadir dina éta seminar, panitia ngahaja ngadatangkeun sababaraha paguyuban lingkung seni anu geus kakoncara jeung kasohor kamana-mana. Keur muka acara , rék dipintonkeun Degung Orchestra jeung Jaipong Dancing. Sedengkeun keur nutup acara, panitia rék ngagelar hiburan Wayang Golék kalayan dalang Acep Suherman Sukriya ti Diribagja IV.

Sababaraha kadaharan ogé disadiakeun ku panitia, diantarana geus distandar internasionalkeun saperti; Geghe-Tuck, De-Bloo, Mart a Back, Band The Rex, Comm-Rho, Thumb-Funk, Kathim-Buzz, Bazii-Guard, jeung Syaiko-Tank.

” Pokona, urang salaku urang Sunda kudu Go Internasional, lamun teu bisa… mendingan ngecemplung, ka lauttt!” Kitu ceuk Gubernur Tahun 2030, Ahmad Kurniawan , méré sumanget ka para pamilon.

Balandongan , Maret 2010

About these ads

2 gagasan untuk “Carita Sunda: Go… Internasional”

Saran

Isikan data di bawah atau klik salah satu ikon untuk log in:

WordPress.com Logo

You are commenting using your WordPress.com account. Logout / Ubah )

Twitter picture

You are commenting using your Twitter account. Logout / Ubah )

Facebook photo

You are commenting using your Facebook account. Logout / Ubah )

Google+ photo

You are commenting using your Google+ account. Logout / Ubah )

Connecting to %s